Манай аймагт мах боловсруулах хоёр үйлдвэр үүд хаалгаа нээсэн. Санхүү эдийн засгийн хүндрэлтэй энэ цаг мөчид Говь-Алтай аймгийн Чандмань суманд Туркийн 100 хувийн буцалтгүй тусламжийн төсөл хөтөлбөрөөр жишиг дунд оврын махны үйлдвэр энэ онд баригдахаар болоод байгаа.

Харин Алтай хотын төвд нээгдээд төд удаагүй байгаа түмэн уул махны үйлдвэр бүрэн хүчин чадлаараа ажиллаж эхэллээ. Үйл ажиллагаатай аймгийн засаг дарга С.Гансэлэм албаны төлөөлөл болох хүмүүс танилцаж аймаг орон нутгийн зүгээс дэмжин хамтран ажиллахаа илэрхийллээ.

Энэхүү үйлдвэр ашиглалтад орсноор орон нутагт 72 ажлын байр шинээр нэмэгдэж, орон нутгийн төсөвт тодорхой хувь нэмэр оруулах нь дамжиггүй боллоо.

Мах боловсруулах үйлдвэр нь хоногт 200 бод, 300 орчим бог нядлан гүн хөлдөөх хүчин чадалтай зоорьтой үйл ажиллагаагаа явуулж эхэлж байна. Мах боловсруулах үйлдвэр үүд хаалгаа нээснээр иргэдийг баталгаатай хүнсээр хангах, ойрын сумдын малчид малын махаа зардал чирэгдэл багатай өндөр үнээр борлуулах боломж бүрдэж байгаад иргэд талархалтай байна.