Орхончууд дунд сургуулийн орчинд шарсан хуурсан бүтээгдэхүүн худалдаалахыг хориглосон анхны аймаг боллоо.

Дээрх аймгийн ЗДТГ-ын дарга Д.Соёлчхүү Засаг даргын шуурхай зөвөлгөөнд БСУГ, МХГ, ЭМГ-т сургууль, цэцэрлэгийн цайны газарт шарсан хуурсан хоол хүнс худалдаалахыг зогсоох үүрэг өглөө.

Тэрбээр "Сургуулийн цайны газарт хуушуур, пирошки зэрэг шарсан хуурсан бүтээгдэхүүн борлуулж байгаа нь сурагчдын ходоод гэдсийг хямраах, дотор эрхтэний архаг суурь өвчтэй болгох эхний шалтгаан болж байна. Тиймээс даруйхан арга хэмжээ ав" хэмээн үүрэгдэв.

Ийнхүү хэдийд, ямар тосонд шарсан нь үл мэдэгдэх шарсан ороомог, хуушуур, пирошкины үе боловсролын орчинд дуусгавар болж, хүүхдүүд эрүүл хүнс хэрэглэх эхний нөхцөл бололцоо бүрдэж эхэллээ.

Хамгийн муу хоол хүнсийг шарж амт оруулдаг, нэг тосонд олон удаа шардаг гээд маш их асуудал байдгыг хүн бүр мэддэг ч хүүхдийн хувьд энэ нь хамаагүй мэт байсныг ийнхүү халах шийдвэр гарлаа.

"Монголын мэдээ" сувгийн Орхон аймаг дахь сурвалжлагч А.Саранчимэг