1998 онд, АНУ-ын Уолт Дисней кино компани Хятадын түүхэн баатар Муланы тухай хүүхэлдэйн кино хийж байсан. Харин хүүхэлдэйн кино дэлгэцнээ гарснаас хойш 20 жилийн ойд зориулан, Сони Пикчерс кино компанитай хамтран, уг хүүхэлдэйн киног бүрэн хэмжээний уран сайхны кино бүтээхээр зорьж байна. 2018 оны 11-р сарын 2-нд нээлтээ хийх, уг бүрэн хэмжээний 3Ди уран сайхны киног Game of Thrones цувралын найруулагч Алекс Грейвз найруулж байна. Мулан уран сайхны киног бүтээх тухай яриа гарсанаас хойш, гол дүрийн жүжигчид ямар хүмүүс байх бол гэсэн таамаг олны дунд удаан явсан.

Тэгвэл, уг киноны гол дүрийн жүжигчинд, БНХАУ-ын жүжигчин Лю И Фей го дүрийг бүтээх болсон байна. Кино багийнхны мэдээлж байгаагаар, гол дүрийн төлөө 10 гаруй орны 1000 гаруй уран бүтээлч өрсөлдсөн байна. Өдгөө 30 настай Лю И Фей, олон кинонд олон дүр бүтээж байсны дунд, хамгийн алдартай нь 2008 онд, Forbidden Kingdom, 2014 онд Outcast зэрэг кинонд тоглож байжээ.

Киноны гол явдал нь Хуа Мулан  гэх баатарлаг бүсгүй хөгшин настай эцгийнхээ өмнөөс дайнд явж, улмаар ялалт байгуулж, баатар болсон тухай гардаг.