Дэлхийн хамгийн том агаарын хөлөг онгоц болох “Стратолаунч” нислэгийн зурваст гарч хамгийн сүүлчийн удаа туршилтын нислэгээ үйлдсэн байна. Тус онгоцыг 2019 онд салбарт нэвтрүүлэх юм.

Саяхан АНУ-ын Калифорни мужийн Мохавийн агаар сансрын удирдлагын газрын нислэгийн төв дээр дэлхийн хамгийн томд тооцогдоод байгаа агаарын хөлөг онгоц буюу пуужин тээвэрлэгч “Стратолаунч” сүүлчийн туршилтаа хийжээ. Энэ онгоц нь 250 тонн жинтэй, хоёр жигүүрийн урт нь 117 метр урт бол онгоцны урт 73 метр юм байна. Даацын дээд хэмжээ нь 590 тонн. Нийтдээ 6 ширхэг хүчирхэг турбо хөдөлгүүртэй бол 28 ширхэг бат бөх чанрын дугуйтай юм байна. Тус онгоцыг пуужин тээвэрлэгч зориулалтаар ашиглахаар бүтээсэн юм. Стратолаунч системс бол агаар сансрын пуужин тээвэрлэгч болон онгоц үйлдвэрлэгч компани юм. Мөн задгай сансарт ачаа тээвэрлэн хүргэж өгөх зорилготойгоор онгоц үйлдвэрлэдэг.

Анх 2011 онд Майкрософтийг үндэслэгчдийн нэг Пол Аллен, Скалед Комсайдес компанийг үүсгэн байгуулагч Берт Рутан нар хамтран байгуулсан юм байна. Төв байр нь  АНУ-ын Алабама мужийн Хентсвилл хотод байрладаг. 2012 онд Клаифорнийн Мохавын цөлд өөрсдийн гэсэн тусгай Ангарыг барьж байгуулжээ.