Түүхэндээ анх удаа Бээжин хот агаарын чанараараа  дотоодын эхний 10 хотын жагсаалтад багтсан байна. Энэ талаар өнгөрсөн пүрэв гарагт Хүрээлэн буй орчны удирдах газраас мэдэгдэл гаргажээ. 2017 онд агаарт агуулагдах нарийн тоосжилтын хэмжээ Хятадын 338 хотуудад 2016 оны үзүүлэлттэй харьцуулахад 6,5  хувиар,  бохирдол нь дунджаар 1 метр кубэд 43 микро грамм хүртэл буурчээ.

Үүнтэй холбогдуулан 2035 он гэхэд хүрээлэн буй орчны асуудлыг мэдэгдэхүйц зохистойгоор шийдвэрлэх болно хэмээн БНХАУ-ын Хүрээлэн буй орчны хамгааллын сайд Ли Ганжие мэдэгджээ. Тус яамнаас  агаарт агуулагдах нарийн тоосжилтыг 1  куб метрт 35 микро грамм хүртэл бууруулах зорилго тавин ажиллаж байна.

Агаарын чанараар гаргадаг уг жагсаалтад Хятадын томоохон 74 хот суурин газрууд хамрагддаг аж. Ихэвчлэн эргийн Сямень, Фу Жиан , Хайнан мужууд болон  үйлдвэрлэл хөгжөөгүй Лхас болон Төвд нь уг жагсаалтыг тэргүүлдэг байжээ.  Бээжин хотын агаарын бохирдлыг бууруулахад нүүрсний хэрэглээг хязгаарлаж, хүрээлэн буй орчинг бохирдуулж буй үйлдвэрүүдийг хаасан, мөн тээврийн хэрэгслүүдийг хатуу чанд хяналт шалгалтад хамруулсан  зэрэг нь нөлөөлсөн хэмээн CCTV агентлагаас мэдээлж байна.