Байгаль дэлхийн баялаг бол хүн төрөлхтний дунд нийгмийг цогцлоох эх үндэс болж байдаг. Газрын хөрсөн доор орших ашигт малтмалууд үйлдвэрлэлт, цахилгаан эрчим хүчний эх үүсвэр, технологийн салбарт гол түүхий эд нь болж өгдөг. Үүнийг олборлох, эсвэл шинээр ашигт малтмал байгаа газрыг олж илрүүлэхэд геологи хайгуулын ажлыг зохион байгуулдаг. Энэ нь байгаль дэлхийн тэнцвэртэй байдлыг алдагдуулах том эрсдэлийг болж байдаг том сул талтай. Харин Оросын сансар судлалын “Роскосмос” агентлаг технологийн дэвшлийг ашиглан сансраас хиймэл дагуулын тусламжтайгаар ашигт малтмал хайх төсөл хөтөлбөрийг хэрэгжүүлэхээр зорьж байгаа аж. Энэ нь хэд хэдэн давуу талуудтай хэмээн үзэж байгаа юм байна.

Хиймэл дагуулаас хуурай газар болон далай тэнгисийн бүс дэх ашигт малтмалыг хайж олон илрүүлэх нь цаг хугацаа эдийн засагт маш том хэмнэлтийг авчирна. Нөгөөтэйгүүр томоохон уул уурхайн компаниуд байгалийн онгон дагшин газруудыг ухаж гүйцэтгэх эрэл хайгуулын ажил эрс багасна. Үүнийг "Роскосмос" агентлаг салбартаа нэвтрүүлэхээр ажиллаж байгаа юм. Шинээр бүтээх гэж байгаа энэхүү хайгуулын зориулалтаар ашиглах төхөөрөмжийг “Кондор ФКА” хиймэл дагуулд суурилуулах юм байна. Дан ганц ашигт малтмал хайх бус, өөр бусад зориулалтаар ч ашиглана. Жишээ нь, хөрсний бүтэц, өөрчлөлт, байгалийн үзэгдэл, цаг уурын өөрчлөлт гэх мэт бусад зүйлсийг сансраас харж, хянах, судлах боломжтой гэнэ.

Энэ төхөөрөмжийг бүтээх ажил энэ оноос албан ёсоор эхлэх юм байна. Харин "Роскосмос" агентлагийн төлөвлөж байгаагаар сансрын хиймэл дагуулын төхөөрөмжийг 2025 он гэхэд дэлхийн тойрог замд байршуулах юм. Газрын тос, байгалийн хий, зэрэг бусад түүхий эдийг сансраас олж тогтоохын тулд хийх ажил их байгааг ч онцолж байгаа. Холбогдох эх сурвалжийн өгсөн мэдээлэлд дурдсанаар, энэ шинэ төхөөрөмж бүхий хиймэл дагуул нь 24 цагийн турш буюу өдөр, шөнийн аль ч үед эх дэлхийн хуурай болон далай тэнгисийн гадаргын бүтций зургийг сайн чанартайгаар авах чадалтай камераар тоноглогдоно. Мөн энэ камер нь байгалийн ямар ч үзэгдлийг үл харгалзан сансраас эх газрын дүрслэл зургийг авах чадалтай байх болно хэмээн онцолсон. Тодруулбал, цас, бороотой, салхитай, манантай үед гэх мэт...

Одоогоор "Роскосмос" агентлаг "Google Earth" системийг ашиглан “Дижитал дэлхий” нэртэй газрын гадаргуугийн бүтцийг судлах судалгааны ажилд ороод эхэлсэн юм байна.