Хүйтний улиралд мөснөөс хамгаалах систем суурилуулах шаардлагатай 1,1 тэрбум төгрөгөөр хийх төхөөрөмжийг 60 сая төгрөгөөр усан цахилгаан станцыг Монгол инженерүүд хийжээ.

Тайширын усан цахилгаан станц нь техникийн хувьд зөв шийдэлтэй, эдийн засгийн хувьд үр ашигтай, байгаль орчны талаас онцын сөрөг нөлөөгүй үйл ажиллагаагаа явуулдаг. Говь-Алтай аймгийн Тайшир сумын нутагт байрлах Говь-Алтай, Завхан аймгийн 43 хувийг цахилгаанаар хангадаг жилд 37,0 сая кВтц эрчим хүч үйлвэрлэх хүчин чадалтай 200 м урт далан усан сантай станц юм.

Өнгөрсөн онд Тайшир усан цахилгаан станц нь 31,760мянган кВт.цаг цахилгаан эрчим хүч үйлдвэрлэж, үйлдвэрлэн түгээжээ. Тус усан цахилгаан станц нь алтай улиастай эрчим хүчний систем төрийн өмчит хувьцаат компаний цахилгаан эрчим хүч үйлдвэрлэлтийн 32,4%-ийг өвлийн горимд, 67,5%-ийг зуны горимд хангаж ажилладаг байна.

Хүйтний улиралд боомтын хучилтын геомембраныг мөснөөс хамгаалах систем суурилуулах шаардлагатай тулгарсаар багагүй хугацаа өнгөрчээ. Олон жил дамнасан ч санхүүгийн хувьд шийдвэрлэх боломжгүй байсан хөлдөлтийн эсрэг төхөөрөмжийг суурилуулах ажлыг амжилттай зохион байгуулж, технологийн зөв шийдлийг олж, 60  орчим сая төгрөгөөр суурилуулснаар гадаадын байгууллагаар хийгдэх байсан үнийн дүнг 900 гаруй сая төгрөгөөр бууруулж, эдийн засгийн хувьд асар их хэмнэлтийг гаргасан байна.

Хүйтний улиралд боомтын дагууд мөс хөлдөөхгүй байлгаснаар 2018 оны хавар хийгдэх боомтын геомембраны засварын ажлын бэлтгэл ажил болж байгаа төдийгүй, цаашид геомембраны бүрэн бүтэн байдлыг хадгалах, боомтод үүсэх сөрөг нөлөөллийг бууруулж байгаагаараа давуу талтай ажил боллоо хэмээн хамт олны зүгээс талархалтай байлаа.

Тус систем нь боомтын уртын дагууд нуурын усны тодорхой гүнд агаараар хийн бөмбөлөг үүсгэн усны молекулыг байнгын хөдөлгөөнд оруулснаар геомембранд мөс тогтохгүй, ингэснээр дахин мөснөөс үүдэлтэй гэмтэл үүсэхгүй байлгах маш үр дүнтэй төхөөрөмж болсон хэмээн үзэж байгаа юм байна.