Сири дэх Туркийн цэргийн ажиллагааны зорилго нь тус улсын нутаг дэвсгэрийг эзлэн түрэмгийлэхэд чиглэгдээгүй гэдгийг Ерөнхийлөгч  Режеп  Тайип Эрдоган  онцлон мэдэгдсэн байна.  Тэрээр  Туркийн  нутаг  дэвсгэрт  байгаа  3,5 сая  дүрвэгчид  эх нутагтаа буцахад нь  туслахыг хүсч  байгаагаа илэрхийлсэн  юм.

Сирийн Африний  оршин суугчид Туркийн  цэргүүд  энэ нутагт  орж  ирснээр   аюулгүй  байдал  нь   сэргэж  байгаад харин ч  баяртай  байгааг  Ерөнхийлөгч Эрдоган  мэдэгдсэн  юм.  Тэрээр Африн дахь  цэргийн ажиллагаа нь  Сирийн энгийн иргэдийн ашиг  сонирхлыг л хамгаалах  зорилготойг  онцолсон.   Харин   Туркийн  цэрэг армийнхний энэ ажиллагааг  эсэргүүцэгчид  энэ  бүс нутаг  дахь террористуудыг  харсан  ч хараагүй  мэт  байдгыг шүүмжилсэн юм.  Сирийн эрх баригчид   Африн дахь  Туркийн  цэргийн  ажиллагааг  эрс  буруушааж байгаагаа  мэдэгдсэн.

Харин Москва бүх  талд хандаж  Сирийн  нутаг дэвсгэрийн бүрэн  бүтэн  байдлыг  хүндэтгэн  хүлээцтэй байхыг уриалсан. Энэ  хооронд Туркийн  Ерөнхий штабаас  Африн  хотоос зүүн хойд нутаг  дахь  стратегийн ач холбогдолтой өндөрлөгийг  хяналтандаа оруулж  чадсанаа мэдээлж  байна. 

Өнгөрсөн  22-ны  өдөр Туркийн цэргүүд  Сирийн  чөлөөт арми бүлэглэлийнхний  дэмжлэгтэйгээр  Бурсея  өндөрлөгийг  эзлэн авсан ч Курдуудын  ширүүхэн дайралтаас  болж  ухрахад  хүрснээ мэдээлж  байсан  юм. Курдуудын талд  Сирийн ардчилсан хүч бүлэглэлийнхэн дайтаж  энэ  өндөрлөгийг  буцаан авах дайралт хийсээр  байгаа юм байна.