Украины нийслэл Киев хотод дэлхийн алдарт DJ хөгжимчин Дэвид Гетта тоглолтоо хийсэн байна. Тоглолт Киевийн Олон улсын үзэсгэлэн худалдааны төвийн цэнгэлдэх хүрээлэнд болжээ. Тоглолтыг үзэхээр 10 мянга гаруй хүн цугларчээ.

Хэдийгээр гадаа агаарын хэм хүйтэн байсан ч үзэгчид тоглолтын үеэр бүжиглэн доргицгоож, хөгжмийн гайхалтай хэмнэл дор тоглолтыг дуустал нь  үзжээ. Дэвид Гетта бол Францын нэрт хөгжимчин, продюсер юм. Тоглолтын үзэгчдийн хэсгийг илүү багтаамжтай болгох үүднээс маш их зүйлийг хийсэн гэж зохион байгуулагчид нь мэдээлсэн байна.

Тоглолтын оргил хэсэг хагас цаг гаруй үргэлжилж, тэрбээр өөрийн шилдэг хөгжмөөсөө амьдаар тоглож олныг цэнгээж чадсан нь үнэхээр гайхалтай байлаа.

Украинд хийсэн энэ тоглолт бол Девид Геттагийн хувьд Европын "Арена таур" аялан тоглолтын хэсэг юм. Үүний дараагаар нэрт DJ Девид Гетта Герман, Франц, Итали, Австри, Польш, Швейцарь, Люксэнбургт тус тус тоглолтоо хийх юм байна.

Тэрбээр дэлхийн хамгийн шилдэг электо хөгжимчин DJ нарын томоохон төлөөлөл, Грэммийн хоёр удаагийн шагналтан. 10 сая гаруй цомог, 40 сая гаруй сингл цомгоо борлуулжээ.

Түүнийг цахим орчинд олон сая хүн дэмждэг, шүтдэг гэдэг тоо бий. Фэйсбүүкт 54 сая, инстаграмд 8 сая, youtube-д 14 сая дагагч фенүүдтэй.