Шинэ  Европын   шинэ  төсөл. Евро комиссын тэргүүн Жан Клод  Юнкер  2021-2027 оны  Европын  Холбооны  төсвийн төслийг   ийнхүү нэрлэж  байна.  тэрээр  ирэх 7  жилийн  төсвийн төслийг боловсруулж Евро парламентад  өргөн бариад  байгаа юм байна. Энд  тусгаснаар  нийт  төсвийг  1 их  наяд  279  тэрбум евро  байхаар  заасан  байна. Эдийн засгийн  гол заалтуудад нь газар  тариалангийн болон  Холбооны орнуудын эв нэгдэл,  нягтралын хангах  нэгдсэн  бодлогыг санхүүжүүлэхэд  зориулагдсан байгаа юм байна.  2021-2027  оны  хооронд   төсвийн  зардлыг   5 хувиар бууруулах зорилт  тавьсан байна. Харин  хилийн хяналтыг чангатгахтай   холбоотой  зардлыг нэмэгдүүлэх  санал  оруулсан  байна.

Нийт  зардлыг  13  аас  33  тэрбум евро  болгон  өсгөсөн  байгаа  бөгөөд  ихэнхийг нь  Европын  хилийн болон эргийн хамгаалалтын  агентлагийн  шинээр  ажилд  авах 100 гаруй мянган  ажилтнуудын  цалинд зарцуулахаар төсөвлөөд  байгаа юм байна. Мөн  боловсрол, шинжлэх ухааны  салбарт зарцуулах зардлын  хэмжээг  130 гаруй  тэрбумаар  төсөвлөөд  байгаа юм байна. Харин  төсвийн  орлогыг  нэмэгдүүлэхийн тулд  хүлэмжийн  хийн хаягдлын  квотоо худалдаалах систем ашиглана,  татварын  шинэчилсэн системээр  нэмэлт орлого  бүрдэнэ гэж харж байна.

Харин Их Британи  Европын Холбооны  эгнээнээс гарах болсонтой холбоотойгоор тус улсын  Европын  нэгдсэн төсөвт оруулдаг  байсан  12-15 тэрбум еврогийн орлого  дутахаар  байгаа. Үүнийг  тус холбооны гишүүн  27  орон нөхөхийн  тулд  бас багагүй хэмжээгээр бүсээ  чангалах хэрэгтэй болохыг анхааруулж байна.