Үндэсний телевиз
Цагийн хүрд
Найм арваннэг
Пакистаны Дотоод хэргийн сайд Ахсан Икбалын амь насанд халдах гэсэн оролдлого хийсэн байна. Түүнийг Наровал хотод сонгогчидтой уулзалт хийгээд автомашиндаа суух үед нь зэвсэгт этгээдүүд буудсан байна. Үүнээс болж Дотоод хэргийн сайд мөрөндөө шархдаж эмнэлэгт хүргэгджээ.
Эмч нар түүний амь нас аюулгүйг мэдээлсэн байна. Пакистанд долоодугаар сарын 15-ны өдөр Парламентын сонгууль болно. Сонгуулийн бэлтгэл ажил хийгдэж байх үед ийм халдлага гарсныг орон нутгийн хэвлэлүүд онцолж байна.
Ахсан Икбал нь эрх баригч Пакистаны мусульманы лига нарын нөлөө бүхий гишүүдийн нэг юм. Түүнийг өнгөрсөн онд авлигын хэрэгт сэжиглэн албан тушаалаас нь огцруулсан Ерөнхий сайд асан Наваз Шарифийн ойрын хамтран зүтгэгч гэдэг.
Одоогоор хэргийг мөрдөн шалгах ажиллагаа үргэлжилж байна. Түр Ерөнхий сайд Шахид Хакан Аббаси энэ халдлагыг эрс зэмлэн буруушааж, гэм буруутныг нэн даруй илрүүлэхийг үүрэг болгожээ.
| Пакистаны Дотоод хэргийн сайд зэвсэгт халдлагад өртжээ | ||
| Үзсэн: 1416 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.