Москвагийн  улаан  талбай  дахь ялалтын  баярт  зориулсан түүхээс  энэ дашрамд  танилцуулахад Аугаа эх орны дайны ялалтын баярын  хамгийн  анхных нь  1945 оны  6-р сарын 24 ны  өдөр  болсон.  Тэр өдөр цэргийн жагсаал  эхлэхээс өмнө  15 минутын өмнө   бороо  орж, улмаар  аадар  болон  ширүүсч   Агаарын хэм хасах  15 болон хүйтэрсэн.Тиймээс  цаг агаарын  таагүй  байдлаас болж  нисдэг тэрэг, байлдааны  онгоцнууд  оролцох  хэсгийг нь  цуцалж байсан түүхтэй.

Мөн  тэр  үед  хөдөлмөрчдийн жагсаал  цэргийнхний  араас зохион байгуулахаар  төлөвлөж байсныг нь  ч  цуцалж  байсан  юм байна. 1945 оны   хамгийн  анхны   ялалтын баярт зориулсан парадыг  Суворовын   бөмбөрчдийн  хороо  эхлүүлж  байсан  нь  одоо уламжлал  болон  тогтсон  юм. Анхны  ялалтын параданд  нийт  40 мянган  хүн оролцсон. Анхны  цэргийн жагсаалаас хойш   20 жилийн  дараа  буюу  1965 оны  5 р сарын 9 ны  өдөр  аугаа эх орны  дайны    ялалтын  20 жилийн ойд  зориулсан   цэргийн жагсаалыг Улаан  талбайд зохион байгуулж байсан.   улаан  талбай  дахь удаах  цэргийн  жагсаал нь  Ялалтын  40 жилийн ойгоор  буюу  1985 онд  болсон. 

Энэ  цэргийн жагсаалын  үеэр  Ялалтын тугийг  анх удаагаа   Улаан  талбайгаар  мандуулан  алхсан юм.  Харин 1995 оны  Ялалтын баяраар Улаан талбайд  Эх орны дайны ахмад  дайчдын жагсаал  анх удаагаа болсон.  Тэр  жил   цэргийн  жагсаал нь  Поклонная гора буюу   Мөргөлийн уулан дахь дурсгалын цогцолборт  болж байсан  юм. 1997 оноос  өмнө  Лениний  мавзолейг  индэр  болгон ашиглаж байсан бол  1997 оноос  эхлэн  Мавзолейн  ойролцоо  тусгай  индэр   засдаг  болсон.  1995 оны  буюу  ялалтын  50 жилийн парадаас хойш  жил  бүр  Улаан талбайд  цэргийн парадыг  зохион байгуулдаг болсон.  Гэхдээ  2008 он  хүртэл  Улаан  талбайд  засварын  ажил хийгдэж  байх  хугацаанд байлдааны  техникгүй парад  болж байсан.