Өнгөрсөн  2015  онд  аугаа эх орны  дайны  ялалтын  70  жилийн ойг   ОХУ  өргөнөөр  тэмдэглэсэн. ЗХУ  задран унаснаас  хойших  буюу  1991 оноос  хойш болсон  парадуудаас  хамгийн  өргөн хүрээтэй,  том  болсон нь  2015 оны  Аугаа эх орны дайны  ялалтын  70 жилийн ойд  зориулагдсан  нь байсан гэж  онцлогддог.

3 жилийн өмнөх энэ  өдөр  улаан талбайд  болсон  параданд  16 мянган  цэргийн  албан хаагч  оролцсон.  Тэдгээрийн дотор  Монгол улсын  маань цэрэг дайчид  гадаадын  бусад  9 улс  орны   цэргүүдийн хамтаар   улаан талбайгаар жагссан.  Ялалтын  70 жилийн параданд    байлдааны 193 техник,  143  онгоц,  нисдэг тэрэг   оролцсон.  Тэр үед  ОХУ-ын Ерөнхийлөгч  ялалтын  баярын  жагсаалыг нээж хэлсэн үгэндээ  Фашистуудын эсрэг тэмцэж байсан бусад улс  орнуудад  талархал илэрхийлсэн.  Энэхүү үйл явдал бол улс орнууд энхтайван, эрх чөлөөний төлөө хамтдаа байж чадсан том илэрхийлэл гэж үзэж байна. Дайны жилүүдэд Монгол Улс ч гэсэн дэмжиж ирсэн.

Энэхүү парадад дайнд оролцож байсан цэргүүдийн аз зээ нар ч оролцож байгааг  тэмдэглэн хэлж байсан юм.  70 жилийн ойн  жагсаалд оролцсон  Монголын цэрэг  дайчдыг  зэвсэгт хүчний 032 дугаар ангийн захирагч, хурандаа Л.Батболд ахалж, Монгол Улсын тугийг ахлах дэслэгч Ж.Баярцогт, дэслэгч А.Алтантүлхүүр, хошууч А.Төгс-Эрдэнэ нар залан алхсан юм.