Үндэсний телевиз
Цагийн хүрд
Найм арваннэг
АНУ-ын Сангийн яам Арабын нэгдсэн Эмират улсын эрх баригчдын хамтаар Ираны олон сая долларын орлого олдог схемийг тайлсан байна. Тодруулбал, Ираны Исламын хувьсгалын хамгаалагчид корпусыг санхүүжүүлэхдээ ашигладаг олон сая долларыг хаанаас яаж олдгийг нь тогтоосон гэсэн үг юм.
АНУ-ын Сангийн сайд Стивен Мнучины мэдэгдсэнээр Ираны эрх баригчид болон Исламын бүгд найрамдах улсын Төв банк Арабын нэгдсэн Эмират улс дахь байгууллагуудын итгэлийг буруугаар ашиглаж валютын гүйлгээний тусламжтайгаар Исламын хувьсгалыг хамгаалагч корпус руу олон сая доллар шилжүүлдэг байсан байна.
Гэхдээ Ираны Төв банк ийм шилжүүлгийнхээ зорилгыг нууж хаадаг байжээ. Гэхдээ АНУ, Арабын нэгдсэн Эмират улс хамтран санхүүжилтийн энэ хууль бус гүйлгээ хийх боломжийг нь хаагаад буй юм байна.
Мөн Иранаас Арабын нэгдсэн Эмират улс руу ийнхүү хууль бусаар мөнгө шилжүүлэхэд оролцсон Ираны зургаан албан тушаалтны эсрэг АНУ хориг арга хэмжээ авахаар шийдвэрлэснийг Мнучин сайд мөн зарласан юм.
Исламын хувьсгалыг хамгаалагчдын корпус нь 1979 онд байгуулагджээ. Армийнханд дэмжлэг үзүүлэх үүрэгтэй цэрэгжсэн бүлэглэл юм. Энэ корпусын ерөнхий дээд командлагч нь Ираны шашны тэргүүн Аятолла Али Хаменей юм.
| АНУ Ираны олон сая ам.долларын орлого олдог схемийг илрүүлэн тайлж чаджээ | ||
| Үзсэн: 1954 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.