Ирэх 2020 оны зуны олимпын болон паралимпын наадмыг зохион байгуулагчид тэмцээн уралдааны өдрүүдэд хэт халалтын уур амьсгалын үед ашиглах хиймэл цасыг туршихаар төлөвлөж байна. Туршилтыг завиар сэлүүрдэх тэмцээнийг зохион явуулах газарт хийх юм байна.

Хэт халалтын улмаас тамирчид болон үзэгчид наранд цохиулахаас сэргийлэхийн тулд ийм арга алхам хийж хэрэгжүүлэх гэж байгаа юм байна. Туршилт ирэх долоо хоногт болно гэж мэдээллээ. Тэмцээн уралдааны төрлүүдээс шалтгаалан тоглолтын бэлтгэлд зориулж янз бүрийн туршилтууд хийхээр төлөвлөж байгаа юм байна. Япон улсад зуны улиралд тулгамддаг гол асуудлын нэг бол цаг агаарын хэт халуун, хуурай уур амьсгал юм. Үүнээс болж иргэд наранд цохиулах, бие эрүүл мэнд нь доройтох, цаашлаад нас барах өндөр эрсдэлтэй. Тиймээс ирэх жилийн олимпын наадмын өдрүүдэд наранд цохиулахаас иргэдийг хамгаалах ажил хамгийн чухал ажлуудын нэгээр нэрлэгдэж байгаа юм.

Учир нь хэт аагим халуун уур амьсгал тамирчдын амжилтад сөргөөр нөлөөлөх эрсдэлтэй хэмээн үзэж байгаа юм. Хиймэл цас гаргадаг төхөөрөмжүүдийг хэд хэдэн газарт суурилуулахаар төлөвлөж байна. тус төхөөрөмж өдөрт нэг тонн хүртэлх хиймэл цас гаргах хүчин чадалтай юм байна.