Үндэсний телевиз
Цагийн хүрд
Найм арваннэг
Индонезийн шинжээчид өнгөрсөн оны 10 дугаар сард осолдсон Индонезийн агаарын тээврийн “Лион Эйр” компанийн “Боинг 737 Макс 8” загварын онгоцны ослын шалтгааныг тогтоолоо. Тэдний үзсэнээр онгоцны бүтээцэд гарсан асуудал болон хяналт шалгалт хангалтгүй байсан нь осол гарахад гол нөлөө үзүүлсэн байна. Үүнийг эх сурвалжийн мэдээлэлд үндэслэн “Уолл Стрит Журнал” сонин дамжуулсан байна.
Индонезийн төсвийн агаарын тээврийн “Лион Эйр” компанийн “Боинг 737 Макс 8” загварын онгоц өнгөрсөн оны 10 дугаар сарын 29-ний өдөр Суматрагаас холгүйхэн орших нэгэн арлаас хөөрч, Жакарта хотын зүг нисч явсан юм. Гэтэл онгоц хөөрснөөсөө хойш 13 минутын дараа Баруун Явагийн ойролцоох тэнгист унасан.
Үндэсний тээврийн аюулгүй байдлын хороо “Боинг” корпорацийн инженерүүд, АНУ-ын холбооны агаарын тээврийн газартай хамтран онгоцны энэ ослын шалтгааныг тогтоож, эцсийн тайланд бэлтгэж байгаа юм.
| “Лион Эйр” компанийн “Боинг 737 Макс 8” загварын онгоцны ослын шалтгааныг тогтоожээ | ||
| Үзсэн: 699 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.