Эрдэмтэд Сугар гарагийг судлахаар технологийн өндөр дэвшлийг ашиглан нэгэн төрлийн бичил схемийг зохион бүтээгээд байна. Сугар гарагийн хувьд нарны аймгийн 2 дахь гариг бөгөөд хөрст, хатуулаг чулуурхаг гадаргуутай гариг юм. Мөн агаарын температур нэмэх 462 хэм хүртэлх хэмийн халуунтай төдийгүй уур амьсгалын хувьд дэлхийгээс 90 дахин илүү нягтаршилтай байдаг. Түүнчлэн тус гараг нь нарны аймгийн халуун төдийгүй хүхрийн хүчлээс тогтсон агаар мандалтай байдагт байгаа юм. Иймээс амьд биет болон техникийн төхөөрөмжийг амжилттай газардуулан судалгаа хийнэ гэдэг эрдэмтдийн хувьд хамгийн хэцүү асуудал байсаар ирсэн.

Тэгвэл Эрдэмтэд энэхүү гаригийн өвөрмөц тогтоцийг тэсвэрлэн ажиллах боломжтой бичил схем бүхий судалгааны төхөөрөмжийг зохион бүтээж, 2023 он гэхэд Сугар гараг луу илгээхээр төлөвлөж байгаа юм байна. Цахиурын кабрид бүхий материалаас бүрдсэн энэхүү бичил схемийг зохион бүтээхэд хэт халууныг тэсвэрлэх чадвартай хамгаалтын хэрэгслээр битүүмжлэх явдал юм. НАСА-аас хэрэгжүүлж байгаа энэхүү хөтөлбөрийн хүрээнд сансарын төхөөрөмж Сугар гарагын гадаргуу дээр буусан даруйдаа өөрийгөө хөлдөөх үйл явцыг хийснээр хэт халууныг тэсвэрлэх боломж бүрдэх юм байна.

Харин 1966 оны гуравдугаар сарын нэгэнд ОХУ-аас “Венера-3” сансарын төхөөрөмжийг манай гаригаас анх удаа Сугар гариг руу хөөргөж байсан байна. Энэхүү гариг нь өглөө эсвэл нар жаргасны дараа тэнгэрт хэдэн цагийн турш харагддаг учраас манай Монголчууд уг гаригийг үдшийн гялаан, мөн үүрийн цолмон ч гэж нэрлэдэг.