Оросын армид хамгийн шинэ үеийн танк болох "Терминатор-2"-ыг нийлүүлэхээр болсон байна. Уралвагонзавод "Терминатор" танкийн эхний хувилбарыг нь үйлдвэрлэсэн бөгөөд бүр 2000 онд армийн зэвсэг техникт нийлүүлэх санал тавьж байсан юм.
Харин хоёр дахь шинэчилсэн хувилбараа 2006 онд үйлдвэрлэсэн ч армид нийлүүлэх гэрээг дөнгөж өнгөрсөн онд Оросын Батлан хамгаалах яамтай байгуулж байсан юм.
Гэхдээ байлдааны энэ хуягт техникийн анхны захиалагч бөгөөд худалдан авагч нь Казакстан улс байсан юм байна. "Терминатор"-ууд Сири дэх цэргийн ажиллагааны үеэр туршилтыг амжилттай давсан гэж Оросын Батлан хамгаалахын орлогч сайд Юрий Борисов өмнө нь мэдэгдэж байсан юм.
"Терминатор-2" нь 30 мм-ийн автомат их буутай. Дуунаас хурдан танк эсэргүүцэгч хоёр төхөөрөмж суурилуулсан. Автомат гранат шидэгч хоёртой. 7.62 мм-ийн пулеметтай юм байна. 360 хэмд орших гурван өөр байг нэг дор устгах чадалтай аж. Цаг агаарын ямар ч нөхцөлд өдөр, шөнө харгалзахгүй жижиг байг ч тавих боломжоор хангагдсан байдаг байна.
| Оросын армид "Терминатор-2" танкуудыг нийлүүлнэ | ||
| Үзсэн: 3709 | Mongolian National Broadcaster |

Үндэсний телевиз
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.