АНУ-ын  2018  оны  төсвийн төсөлд  батлан хамгаалах  зардлаа сүүлийн  15  жилд  хамгийн өндөрт тооцогдох хэмжээгээр  нэмэгдүүлэхээр  төлөвлөж байгаа юм байна. Энэ  тухай  Конгрессын төлөөлөгчдийн танхимын тэргүүн Пол Райан мэдэгдсэнийг хэвлэлүүд онцолж  байна. Төсвийн  төслийг  санхүүгийн жил  дуусахаас  өмнө  Конгресст суудалтай  бүгд найрамдах,  Ардчилсан  намын фракцынхан  хэлэлцэн  зөвшилцсөн  юм.  АНУ-ын зэвсэгт хүчний  хувьд  шинэ  эрин үе эхэлж байна.

Батлан хамгаалах зардлыг сүүлийн 15  жилд  хамгийн  ихээр  нэмэгдүүлж байгаа нь  сүүлийн  10 жилийн хор хохирлыг  арилгах  боломжийг олгоно хэмээн  Райан онцлон мэдэгдсэн байна. Урьдчилан тохиролцсоноор батлан хамгаалах зардлыг  80 тэрбум  ам.доллараар нэмэгдүүлэхээр  төлөвлөсөн байна.  Гэхдээ  Конгрессын  2 танхимд  төсвийн төслийг  батлах хугацаа 5 дахь  өдөр хүртэл  бий.  Хэрэв энэ хугацаанд  төсвөө баталж  чадахгүй бол Холбооны  засгийн газар ахиад  санхүүжилтгүй болно.  2018 оны  санхүүгийн  жил 9 дүгээр сарын 30-ны  өдөр дуусах ёстой юм. 

Конгресс дахь намуудын санал зөрөлдөөнөөс болж АНУ сүүлийн үед түр, богино хугацаатай  төсөвтэй явж  ирсэн юм.  Гэхдээ одоо тохиролцоонд хүрч чадсан хэмээн  төлөөлөгчдийн танхимын тэргүүн  Пол Райан  мэдэгдээд байна.  Энэ  зөвшилцлийн үр дүнд   зэвсэгт хүчний санхүүжилт,  дэд  бүтцийн  сэргээн  босголтын  зардал,  зэвсэгт этгээдүүдээс  сургуулиудыг хамгаалах, халдварт өвчинтэй тэмцэх зардлууд  шийдэгдэх ёстой.  Үүний зэрэгцээ хууль сахиулах байгууллага, хил хамгаалах албаныхны  татаас нэмэгдэж  байгаа аж.