"Cambridge Analytica"  компанид  50 сая хэрэглэгчийнхээ мэдээллийг алдсан асуудалд буруутгагдаад байгаа Фэйсбүүк компанийн тэргүүн Марк Цукерберг энэ  шуугиан дэгдсэнээс хойш анх удаагаа тайлбар хийлээ. Тэрээр олон нийтийн энэ сүлжээн дэх хуудсаараа дамжуулж ийм алдаа гарсныг хүлээн зөвшөөрч, хэрэглэгчдээсээ уучлалт гуйжээ.

Түүнчлэн багийнхныхаа хамтаар цаашид  ийм нөхцөл байдал үүсгэхгүйн тулд  шаардлагатай арга хэмжээнүүдийг авахаа амласан  байна.  Тэрээр мөн маш  их хэмжээний мэдээлэл  агуулагдаж байгаа сангуудад нэвтрэх боломжтой  аппликэйшнуудыг бүгдийг нь нарийн чанд шалгахаа амлав. Түүнчлэн "Cambridge Analytica"  компанитай холбоотой асуудал нь Фэйсбүүк олон нийтийн сүлжээг илүү аюулгүй болгоход туслах нэг талын сургамж туршлага  боллоо хэмээн тэмдэглэсэн  байна.

Их Британийн "Cambridge Analytica" компани 2016  онд  Америкийн  ерөнхийлөгчийн сонгуулийн кампанийн  үеэр  сонгогчдын  үзэл  бодолд  санал  нөлөөлөхийн тулд   олон нийтийн сүлжээний  хэрэглэгчдийн мэдээллийг  хууль бусаар  ашигласан хэрэгт  буруутгагдаад  байгаа юм.