АНУ Оросын Засгийн газрын бодлогыг өөрчилж, Москва-Вашингтоны харилцааг сайжруулахын тулд тус улсын эсрэг дахин хориг арга хэмжээ авсан. Ийм тайлбарыг АНУ-ын Төрийн департаментын  албан ёсны төлөөлөгч  Хизер  Нойерт  хэвлэлийн бага хурлынхаа үеэрээ хийснийг нь  хэвлэлүүд онцолж байна.

Тэрээр,  "Америк, Орос улсуудад харилцан сонирхдог олон салбарууд бий. Хоёр улс хоёулаа  дэлхийд тэргүүлэгч улсууд гэдгийг мөн энэ ташрамд онцолсон юм.  АНУ-ын  төрийн  департаментаас өмнө нь Оросын  эсрэг шинэ  хориг арга хэмжээ авч байгааг зарласан. Энэ хориг нь энэ сарын 22-ны өдрөөс хүчин төгөлдөр үйлчилж  эхлэх  юм. Вашингтон  Москваг   Их Британийн  Солсбери хотод  Оросын тагнуулын төв газрын ажилтан асан Скрипалийг охиных нь хамтаар хордуулсан хэмээн  буруутгасаар  байгаа юм. ОХУ-ын гадаад хэргийн яамнаас  Америкийн энэ шийдвэрт хариу  арга хэмжээ авахаа мэдэгдсэний  дээр хүчээр  эсвэл тулган шаардах аргыг хэрэглэж  байгаа нь үр ашиггүй..." гэдгийг  онцлон сануулсан байна.

Мөн Оросын засгийн газрын тэргүүн Дмитрий  Медведев, "АНУ Оросын эсрэг  хориг арга хэмжээгээ  цаашаа чангатгавал үүнийг нь эдийн засгийн дайн зарлалаа гэж үзэх болно" хэмээн мэдэгдээд  байна.  Тэрээр, мөн энэ  дайнд эдийн засаг,  улс төрболон шаардлага гарвал бүх аргаар хариу барих болно хэмээн онцоллоо.  Түүнчлэн, Орос  улс сүүлийн 100 гаруй жилд байнга ямар нэгэн  хориг арга хэмжээний шахалт дарамтад  байгааг сануулсан юм.

Энэ  бүхэн нь Оросыг олон улсын тавцан дахь хүчтэй  тоглогч, өрсөлдөгчийн байр сууринаас нь салгах  зорилготой гэж үзэж байгаагаа илэрхийлсэн  юм. Харин Америкийн хэвлэлүүд, Оросын эсрэг нэмэлт хориг арга хэмжээ авснаар Америкийн эдийн засагт ч хор  хохирол учирна гэдгийг сануулж  байна. Тухайлбал "The Hill" редакцынхаа нийтлэлд, Оросын  эсрэг шинээр хориг арга хэмжээ авбал Америкийн компаниуд ч Оросын зах зээлийг орхин гарахад хүрнэ. Оросын компаниуд  ч Америкийн компаниудыг зах зээлээсээ шахан гаргахын тулд  бусад улс  орны компаниудтай түлхүү хамтран ажиллахыг чармайх болно гэжээ.