Их Британийн гадаад хэргийн сайд асан Борис Жонсон Брекситийн асуудлаарх яриа хэлэлцээнд Европын Холбооны зүгээс үзүүлж байгаа дарамт шахалтыг эсэргүүцэхийг уриаллаа. Тэрээр Их Британийн засгийн газрын Брекситийн төлөвлөгөөг буруушааж байгаагаа ч илэрхийлсэн байна. Их Британийн засгийн газрын энэ төлөвлөгөөг тэрээр алдаатай хэмээн тодорхойлсон нь Лондон Европын Холбооны эгнээнээс гарсны дараа Ирландын хил дээр хилийн тусгай хяналт тогтоохоор төлөвлөсөнтэй нь холбоотой шүүмжлэл юм.

Ийм төлөвлөгөө нь Умард Ирландад Их Британийн бусад орнуудтай байгуулахаар төлөвлөж байгаа чөлөөт худалдааны гэрээнд оролцох боломж олгохгүй болгоно гэж тэрээр үзэж байгаа. Жонсон болон Их Британийн Консерватив намын бусад гишүүд Канад хувилбараар Европын Холбоотой гэрээ байгуулахыг дэмжиж байгаа юм. Тодруулбал, Европын Холбоо Канадын хоорондын чөлөөт худалдааны гэрээний загвараар Брюссельтэй тохиролцоонд хүрэх хэрэгтэй гэж үзэж байгаа гэнэ.

Энэ тохиолдолд Их Британи улс дотоод болон худалдааны бодлоготой холбоотой шийдвэрээ бие даан гаргах эрхтэй болохын зэрэгцээ үр дүнтэй, тэнцвэртэй цагаачлалын механизмыг бүрдүүлэх боломжтой болно гэж үзэж байгаа аж. Лондон Брюсселийн Брекситийн гэрээ байгуулах албан ч ёсны хэлэлцээ 2017 оны 6 дугаар сарын 19-нөөс эхэлсэн юм. Харин ИХ британи Европын Холбооноос 2019 оны 3 дугаар сарын 29 ны өдөр албан ёсоор гарах ёстой. Түүнээс хойших 3 жилийн хугацаанд шилжилтийн үе үргэлжлэх юм.