Монголын хонхтой бөмбөгийн холбооноос бүсчилсэн сургалт тэмцээнийг харааны бэрхшээлтэй иргэдийн дунд амжилттай зохион байгуулж байна. Харааны бэрхшээлтэй иргэдийг хөдөлгөөний дутагдалаас сэргийлж эрүүл мэнд, бие бялдарыг нь хөгжүүлэн нийгмийн харилцаанд оролцуулах эрхэм зорилготой тус холбооны хамт олон баруун бүсийн харааны бэрхшээлтэй иргэдийн сургалт, хонхтой бөмбөгийн тэмцээнийг Ховд аймагт зохион байгууллаа.

 Харааны бэрхшээлтэй иргэдийн өмнө олон асуудал тулгардаг. Үүний нэг нь хөдөлгөөний дутагдал, түүнээс үүдэлтэй өвчлөл юм. Иймээс манай улс 2012 онд Монголын Хонхтой бөмбөгийн холбоог байгуулан хараагүй иргэдээ тус спортоор хичээллэх боломжийг бий болгожээ. Хонхтой бөмөгийн холооноос БСШУСЯам, Монголын хараагүйчүүдийн холбоотой хамтран Хонхтой бөмбөгийн сурталчилан таниулах зорилгоор бүсчилсэн сургалтуудыг зохион байгуулж байна. Энэ хүрээнд баруун бүсийн сургалт, хонхтой бөмбөгийн тэмцээнийг Ховд аймагт зохион байгууллаа. Манай улсад 11,000 харааны бэрхшээлтэй иргэн байдаг. Эдгээр иргэдийн дөнгөж 20 орчим хувь нь хонхтой бөмбөгийн спортоор хичээллэдэг буюу тодорхой хэмжээгээр мэддэг байна.

Хараагүй иргэдийг нийгмээс тусгаарлахгүйн тулд бусад иргэдтэй адил сурч, боловсрох, хөдөлмөр эрхлэх эрхийг нь тунхаглах нь чухал.  Гэтэл манай нөхцөлд  тэд ганцаараа бие дааж хотын гудамжаар явахад ч хэцүү байдаг. Өөрөөр хэлбэл тэдэнд “алхах” арга байдаггүй гэж хэлж болно. Энэ нь тэднийг сэтгэлзүйн хувьд гутранги, нийгмийн амьдралд идэвхитэй оролцож, амжилт гаргах чадвар султай болгож байгаа нь судалгаагаар нэгэнт тогтоогдсон байдаг.

Ийнхүү хараагүй иргэдэд, цаг минут тутам хүндрэл бэрхшээлүүд тулгардаг байна. Гэсэн ч тэд энэ бэрхшээлийг даван туулахын тулд өөрсдийгөө хөгжүүлж, спортоор хичээллэж, мэдрэмжээ илүү сайжруулж, нийгмийн харилцаанд орох нь чухал гэж үзэж байна.