Дэлхийн зах зээл дээрхи  газрын тосны  үнийн  тухай мэдээллийг түрүүн  хүргэхдээ  АНУ–ын Ираний эсрэг хориг арга хэмжээ  хүчин төгөлдөр  болсон тухай дурьдсан. Тэгвэл  энэ хориг  арга хэмжээний  жагсаалтыг  АНУ-ын сангийн  яамнаас  танилцуулсан  байна.  Энд  тэмдэглэснээр  АНУ-ын  хориг арга хэмжээний жагсаалтанд  Ираний  санхүүгийн  70  байгууллага,   томоохон  14 банк багтсан  байгаа юм байна.

Тухайлбал,  Ираний  төв  банк,  Ираний  агаарын тээврийн компани  төдийгүй  65  онгоцыг  хориг арга хэмжээний жагсаалтанд  багтаасан байгаа юм байна. Мөн   Ираний  250  иргэний   нэрс  ч үүнд  багтсан  байгаа юм байна.  Америкийн сангийн сайд Стивен Мнучин  тус улсын  зүгээс үзүүлж  байгаа  энэ дарамт  шахалт нь   Иранийг санхүүгийн хувьд   гадаад  ертөнцөөс  тусгаарлаж, улмаар эдийн засгийг нь  зогсонги байдалд  оруулахыг   онцолсон байна.  гэхдээ тэрээр  Тегеран  тодорхой  шаардлагуудыг  биелүүлвэл  хориг арга хэмжээг  цуцлах болно гэдгийг   нэмж  хэлсэн байна.  

Ираний эрх баригчид  терроризмыг  дэмжихээ  зогсоож,  баллистик  пуужингуудыг  тараахаа  эцэс болгож,  цөмийн зэвсэгтэй болох амбицаасаа татгалзах  шаардлагатайг  ч  тэрээр тэмдэглэн хэлсэн  байна.