Үндэсний телевиз
Цагийн хүрд
Найм арваннэг
АНУ сүүлийн 20 орчим жилийн хугацаанд дайн цэргийн ажиллагаанд нийтдээ 5,9 их наяд ам. доллар зарцуулсан байна. Дайны уршгаар мөн хагас сая хүн амь насаа алдсан байна. Энэ тухай Брауновийн их сургуулийн профессор Нет Крауфордын судалгааны тайланд тэмдэглэсэн байна. Дайн цэргийн ажиллагаанд Пентагоноос зарцуулсан энэ зардалд Төрийн департаментын гаргасан зардлыг ч багтаасан байна. Тухайлбал ахмад дайчдын халамж үйлчилгээнд зарцуулсан зардал багтжээ.
Мөн террорист халдлагаас урьдчилан сэргийлэх чиглэлээр Дотоодын аюулгүй байдлын яамнаас авсан арга хэмжээний зардал тусгагдсан байна. Крауфордын тооцоолсноор байлдааны ажиллагааны уршгаар 480 мянган хүн амь насаа алдсаны 244 мянга орчим нь энгийн иргэд байгаа юм байна. Мөн 10 сая гаруй хүн орон гэрээ орхин дүрвэхэд хүрснийг тэмдэглэсэн байна.
Харин энэ оны 3-р сард Пентагоноос 2001 оны 9 р сарын 11 нээс хойш Вашингтон дайн цэргийн ажиллагаанд нийт 1,5 их наяд ам.доллар зарцуулсныг албан ёсоор мэдээлж байсан юм.
| АНУ 2001 оноос хойш дайн, цэргийн ажиллагаанд 6 их наяд ам.доллар зарцуулжээ | ||
| Үзсэн: 803 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.