Канадын Ванкувер хотноо саатуулагдаад байсан  Хятадын холбоо харилцааны Huawei компанийн санхүү эрхэлсэн захирлыг  барьцаагаар  суллаж  АНУ руу шилжүүлэн  өгөхөөр  болсон байна.  Энэ шийдвэрийг Британийн Колумб  мужийн Дээд шүүхээс  гаргаад  байна.  

Мэн Ваньчжоуг  10 сая  канад доллар  буюу  7 сая ам.долларын барьцаагаар  суллах  болсон байна. Гэхдээ  үүнээс 7 сая  канад  долларыг нь бэлнээр төлөхийг үүрэг болгосон байна.  Мөн  Ваньчжоуд  5  батлан даагчтай байх шаардлага тавьсан байна. Хэрэв  АНУ-ын  шилжүүлэн  өгөх хүсэлтийг 60 хоногийн дотор  гаргахгүй бол түүнийг  суллахыг  шүүхээс баталсан байна.

Өдгөө  46 настай  Мэн Ваньчжоу  нь Huawei компанийг үүсгэ байгуулагчийн охин  бөгөөд  санхүү эрхэлсэн захирлын  албанаас гадна  удирдах зөвлөлийн даргын орлогчоор ажилладаг юм. Түүнийг  өнгөрсөн 12 р сарын 1 ны  өдөр  Ванкувер хотын нисэх онгоцны  буудалд  баривчилж саатуулсан юм.  Вашингтон  түүнийг Ираний эсрэг авсан хориг арга хэмжээг  зөрчсөн хэмээн буруутгаж байгаа юм.