Үндэсний телевиз
Цагийн хүрд
Найм арваннэг
Оросын Холбооны Улсын Алтайн хязгаарын Барнаул-Рубцовск-Казахстан Улсын хил чиглэлийн А-322 зам дээр буюу Рубцовск хотоос есөн километр зайд автобус нь эвдэрч -33 хэмийн хүйтэнд хөлдөхийн даваан дээр байсан Монгол Улсын иргэдэд тус улсын Онцгой байдлын албаны алба хаагчид тусламж үзүүлсэн талаар www.vesti.ru сайт мэдээллээ.
Тус үйл явдал энэ сарын 26-ны өдөр болжээ. Казахстан Улсын Алматы хотоос Монгол Улсын Баян-Өлгий аймгийг чиглэн ирж байсан автобусны дотор нийтдээ 19 хүн зорчиж явжээ. Тэдний дотор дөрвөн хүүхэд байсан ба хөлдсөн, өвдсөн хүн байхгүй аж.
Рубцовск хотын дарга Димитрий Фельдманы даалгавраар зам дээр саатсан иргэдийг хотын "Центральная" зочид буудалд байрлуулж, хоол ундаар хангасан бөгөөд эвдэрсэн автобусыг засварын газарт хүргүүлжээ.
Харин энэ сарын 27-ны өдөр автобусны засвар дууссан тул хүмүүс аяллаа үргэлжлүүлэн хөдөлсөн байна.
Сэтгүүлч: Ө.Нурболат
| Оросын Онцгой байдлынхан автобус нь эвдэрсэн Монголын иргэдэд тусламж үзүүлжээ | ||
| Үзсэн: 2885 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.