АНУ БНХАУ-ын хоорондох стратегийн өрсөлдөөн дахин хэдэн үе үргэлжилнэ гэлээ. Энэ талаар Зүүн Ази, Номхон далайн бүс нутгийг хариуцсан АНУ-ын төрийн нарийн бичгийн даргын туслахад нэр дэвшигч Дэвид Стилвелл үзэж байгаагаа илэрхийлсэн байна.

 Тэрээр ирэх 10-р сард энэхүү албан тушаалд очихоор яригдаж байгаа. Түүнийг энэ албан тушаалд дэмжин батлах тухай хэлэлцүүлгийн үеэр нэн тэргүүний зорилт бол Хятадын түрэмгий бодлогыг эсэргүүцэх явдал юм хэмээн Дэвид Стилвелл мэдэгдсэн байна. Түүний хэлснээр, Хятадтай хийх удаан хугацааны стратегийн өрсөлдөөн нь бүрэн хэмжээний үеийн сорилт гэж онцолжээ. Хятад улс “нэг бүс, нэг зам” санаачлагын тусламжтайгаар Өмнөд хятадын тэнгис дэх цэргийн хүчийг нэмэгдүүлж, бусад улс орнуудад нөлөөлж болохуйц янз бүрийн хөшүүргийг ашигладаг хэмээн хэлсэн байна. Үүнтэй холбогдуулан тэрээр АНУ-ын холбоог Өмнөд Солонгос, Япон, Австрали, Филиппин улсуудтай бэхжүүлэхийн төлөө ажиллах болно гэдгээ онцлон хэлсэн юм.