Монголоос  илгээсэн хүмүүнлэгийн тусламжийг  Сирийн иргэдэд  хувиарлаж  эхэлсэн тухай  дайтагч  талуудыг  эвлэрүүлэгч Оросын төвийн  албан  ёсны төлөөлөгч  Сергей Смолинский мэдээлснийг Риа новости дамжуулж байна.  Энд  тэмдэглэснээр  Оросын агаар сансрын хүчний  онгоцуудаар  Сирийн Хмеймим агаарын цэргийн баазад Монголын нийт  8  тонн  тусламжийг  хүргэсэн байна.

Смолинский  Монгол улсын  Сирийн ард түмэнд үзүүлж байгаа энэ тусламж дэмжлэг  өнөөдөр  чухал  шаардлагатайг  онцолсон байна. Мөн ОХУ  Монгол улсын хамтарсан энэ тусламж нь өнөөгийн  нөхцөлд  яг цагаа олсныг   тэмдэглэн хэлсэн байна.   Харин  Манай улсын зэвсэгт хүчний  жанжин штабын удирдах газрын дарга  Оросын  батлан хамгаалах яамныхны  дэмжлэгтэйгээр Сирийн  ард иргэдэд   хүмүүнлэгийн тусламж  үзүүлэх ажлыг дахиад нэг удаа зохион байгуулж магадгүйгээ мэдэгдсэн  байна.   Сирид  2011 оноос хойш зэвсэгт мөргөлдөөн иргэний дайн үргэлжилж  байгаа юм.  2017 оны сүүлчээр  Сири дэх Исламын  улс террорист бүлэглэлийнхнийг ялсан  тухай зарласан.

Харин одоо  Сирийн нөхцөл байдлыг улс төрийн аргаар зохицуулах,  дайнд  сүйдсэн хот суурингуудыг  сэргээн босгох,  дүрвэгсдийг эх оронд нь  буцааж  авчрах  нь  гол зорилт болоод байгаа юм.