"Гуардиан" цахим хуудас коронавирусийн тухай хамгийн сүүлийн үеийн мэдээллийг дамжууллаа. 

• Нас барсан хүний тоо 26 хүрээд байна. Тодруулбал, Хубэй мужид нийт 24, Бээжин орчим нэг, БНХАУ-ын зүүн хойд хэсэг дэх ОХУ-тай хиллэдэг Хэйлонжан мужид нэг хүн нас баржээ.
• Одоогоор дор хаяж 830 хүн вирусын халдвар авсан нь тогтоогдсон байна. 
• Хятадын Цагаан сарын битүүний орой гэхэд Ухань хотоос гадна Хубэй мужийн 9 хотод хөл хорио тогтоогоод байна.
• Коронавирусийн халдвар тархсантай холбоотойгоор 1000 хүний ортой эмнэлгийг Ухань хотод барьж байгаа бөгөөд ирэх Даваа гарагт бэлэн болгохоор төлөвлөөд байна.
• БНСУ-д коронавирусийн хоёр дахь тохиолдол илэрчээ. Тавь гаруй насны энэ эрэгтэй Ухань хотод ажиллаж байсан байна.
• Япон улс хоёр дахь тохиолдол илэрснийг зарласан байна. Ухань хотын 40 гаруй насны иргэн нэгдүгээр сарын 19-нд Япон улсад иржээ. 
• АНУ-ын Ситлд нэг тохиолдол илэрснийг мэдээллээ. Техас мужид халдвар авсан хүн байж магадгүй гэж таамаглаж байна.
• Их Британид 14 хүн халдвар авсан байж болзошгүй хэмээн үзлэгт оржээ. Одоогийн байдлаар тэдний тав нь халдваргүй болох нь тогтоогджээ.
• Шотландад шинж тэмдэг илэрсэн 6 хүнийг үзлэгт хамруулаад байна.
• Австрали улсад вирусийн шинж тэмдэгтэй байж болзошгүй 6 хүнийг эрүүл мэндийн байгууллагын хяналтад авчээ. 
• ДЭМБ БНХАУ-д аваарын байдалтай байгаа ч, дэлхий даяар аюулын дохио зарлахад хэтэрхий эрт байна гэж үзэж байна.