Шинэ коронавирусийн халдварын тухай дэлхийн хэвлэл мэдээллийн байгууллагууд мэдээлсээр байна. Бид шинэ коронавирусийн халдварын тухай хамгийн сүүлийн үеийн мэдээллээс дамжуулахаар бэлтгэлээ. 

- Австрали улсын Ерөнхий сайд Скот Моррисон бямба гарагт хийсэн мэдэгдэлдээ "Ойрын хугацаанд БНХАУ-д зорчсон хүмүүсийг Австрали улсын хилээр нэвтрүүлэхгүй" гэсэн байна.

- БНСУ-д шинэ коронавирусийн халдвар авсан 3 тохиолдол илэрсэн байна. Ингэснээр нийт халдвар авсан хүний тоо 15 болж байна. 

- Филиппин улс өмнө нь Хубэй мужаас зорчиж буй хүмүүст хилийн хориг тавиад байсан. Тэгвэл шинээр БНХАУ, Хонгконг, Макао зэрэг газраас ирж буй гадны хүмүүсийг хилээр орохыг хориглоод байна. БНХАУ-аас эргэн ирж буй иргэдээ 14 хоногийн хугацаатай тусгаарлалтад байлгах талаар мөн мэдэгдсэн байна.

- БНХАУ-аас өөр улсад коронавирусийн улмаас хүн нас барсан анхны тохиолдол Филиппинд бүртгэгджээ. Хятадын иргэн, 44 настай эрэгтэй өнгөрсөн нэгдүгээр сарын 25-нд халуурч ханиалган, хоолой нь өвдсөний улмаас Манила дахь Сан Лазаро эмнэлэгт хэвтсэн байна. Түүний биеийн байдал сайжирч байсан ч сүүлийн 24 цагийн хугацаанд эрс муудаж нас барсан талаар албаныхан мэдээлжээ.

- Шинэ Зеланд иргэддээ хандан БНХАУ руу зорчихгүй байхыг зөвлөжээ. Мөн ирэх даваа гарагаас эхлэн 14 хоногийн хугацаанд БНХАУ-д зорчиж байсан гадны хүмүүсийг хилээр нэвтрүүлэхийг хориглож байгаа талаар мэдээлсэн байна.

- Энэтхэгийн Засгийн газар коронавирусийн халдвар авсан хоёр дахь тохиолдол бүртгэгдсэн талаар мэдээлсэн байна. Хоёр дахь тохиолдол эхний халдвар авсан хүний бүртгэгдсэн баруун өмнөд зүгийн Керала гэх газраас илэрсэн байна.

- Ухань хотод 1000 ортой эмнэлэг баригдаж дууссан талаар CCTV-ээс мэдээллээ. 

Шинэ коронавирусийн халдвар илэрсэн улс орон

Тодруулбал: 

Хонгконг – дор хаяж 13

Макао – дор хаяж 7

Тайланд – дор хаяж 19

Австрали – дор хаяж 12

Малайз – дор хаяж 8

Сингапур – дор хаяж 13

Франц – дор хаяж 6

Япон – дор хаяж 20

БНСУ – дор хаяж 15

Тайвань – дор хаяж 10

АНУ – дор хаяж 8

Вьетнам – дор хаяж 7

Герман – дор хаяж 8

Шри-Ланка – дор хаяж 1

Камбуж – дор хаяж 1

Непал – дор хаяж 1

Канад – дор хаяж 4

Арабын нэгдсэн Эмирт – дор хаяж 4

Финланд – дор хаяж 1

Филиппин – дор хаяж 2, нас барсан 1

Энэтхэг – дор хаяж 2

Их Британи – дор хаяж 2

ОХУ – дор хаяж 2

Швед – дор хаяж 1

Испани – дор хаяж 1 халдвар авсан тохиолдол тус тус бүртгэгдээд байна гэж "Си Эн Эн" агентлагаас мэдээллээ.