Мексикийн улс төрчид, төрийн  албаныхан  Ерөнхийлөгч  Пенья Ньетод хандаж АНУ-д хийхээр  төлөвлөж  байгаа  айлчлалаа цуцлахыг шаардсан байна.  Тэд  АНУ-ын  Ерөнхийлөгч  Дональд Трамп  Мексиктэй  залгаа хилийнхээ дагууд хана  босгох зарлиг гаргасантай холбоотойгоор ийнхүү шаардаж байна.

Америкчууд Мексикчүүдийг оруулалгүйгээр хаалгаа хаачихаад байхад айлчилж очихын  оронд зохих хариуг нь барих хэрэгтэй гэж Мексикийн  Ерөнхийлөгчийн сонгуульд нэр дэвшин өрсөлдөж байсан Куаутемок Карденас мэдэгдсэн байна. Мөн Гадаад хэргийн сайд асан Хорхе Кастанеда  Америкийн Ерөнхийлөгчийн шийдвэрийг Мексикийн төрийн тэргүүн, эрх баригчид болоод ард түмнийг гутаан доромжилсон алхам гэж үзэж  байгаагаа  илэрхийлсэн  байна.

Түүнчлэн Ерөнхийлөгч Пенья Ньетог "Сул Ерөнхийлөгч" гэж нэрлээд жижиг орон сул  Ерөнхийлөгчтэй байх  нь амаргүй гэдгийг анхааруулсан ч зохих хариуг нь барьж эрс шийдэмгийгээ харуулах цаг болсныг  санууллаа.  Мексикийн  Ерөнхийлөгчийн Тамгын газраас ч төрийн тэргүүнийхээ АНУ-д хийх айлчлалыг хойшлуулахаар төлөвлөж байгааг мэдэгдсэн байна.