Үндэсний телевиз
Цагийн хүрд
Найм арваннэг
БНХАУ-ын удирдагч Си Зиньпин ирэх зун Москвад төрийн айлчлал хийхээр төлөвлөж байна. Энэ тухай Хятадад суугаа ОХУ-ын Элчин сайд Андрей Денисов мэдэгдсэнийг хэвлэлүүд дамжуулж байна. Одоогоор тодорхой тов нь гараагүй байгаа ч ирэх тавдугаар сард БНХАУ-д болох "Торгоны замын дээд уулзалт"-ын дараа болов уу гэж хэвлэлийнхэн таамаглаж байна.
Мөн ОХУ-ын Элчин сайд Денисов ирэх тавдугаар сарын "Торгоны замын дээд уулзалт"-д ОХУ-ын Ерөнхийлөгч Владимир Путин оролцож, Хятадад ажлын айлчлал хийхээр төлөвлөж байгааг зарласан юм.
Торгоны замын "Нэг бүс, нэг зам" форум Бээжин хотноо тавдугаар сарын 14-15-ны өдрүүдэд болох юм. Одоогийн байдлаар энэ дээд уулзалтад оролцохоо дэлхийн 20 гаруй орны төр засгийн тэргүүнүүд илэрхийлээд буй аж. Сүүлийн жилүүдэд БНХАУ, ОХУ-ын харилцаа өндөр дээд түвшинд идэвхжсэн.
ОХУ-ын Ерөнхийлөгч Владимир Путин л гэхэд өнгөрсөн онд БНХАУ-д хоёр ч удаа айлчилсан. Энэ айлчлалын хүрээнд эрчим хүч, дэд бүтэц, банк санхүүгийн гээд олон салбарт өргөн хүрээнд хамтран ажиллах гэрээ байгуулагдсан юм.
| БНХАУ-ын удирдагч ирэх зун Москвад айлчилна | ||
| Үзсэн: 702 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.