Шинэ Зеландын өмнөд арлын эрэгт 300 орчим далайн хав шидэгдсэн байдалтай олджээ. Байгалийн нөөцийг хамгаалах газрын ажилтнуудын таамаглаж байгаагаар далайн хавнууд махчин аварга загаснуудаас айн ийнхүү эрэг рүү олноороо гарч ирээд байгаа аж.

Нэг далайн хавны биед аварга загас хазсан ул мөр байгаатай холбоотойгоор байгаль хамгаалагчид ийм таамаг дэвшүүлж байна. Үүний өмнө 400 гаруй далайн хав өмнөд арлын эрэг дээр гарч ирсэн тухай мэдээлж байсан. Тэдгээрийн ихэнх нь амиа алдсан байсан бөгөөд байгаль хамгаалагчид сайн дурынхны тусламжтайгаар аврах ажиллагаа зохион байгуулж 100 гаруйг нь аварчээ.

Шинэ Зеландын эрэгт далайн хав шидэгдэж байсан тохиолдол өмнө нь ч мөн олон удаа гарч байсан бөгөөд эрдэмтэд одоогоор яагаад ийнхүү олноороо эрэгт шидэгдэж амиа алдаж байгаагийн шалтгааныг тодруулж чадаагүй л байна. Харин нутгийн иргэд хоёр өөр газарт ийм адил төстэй хэрэг гарсан нь цэргийнхэн ямар нэг нууцлаг зэр зэвсэг туршсан байж болзошгүй хэмээн ярьж байгаа юм.