Үндэсний телевиз
Цагийн хүрд
Найм арваннэг
Их Британийн угсаа залгамжлагч ханхүү Уильямын санаачилгаар Лондоны төвд залуучууд, орон гэргүй хүмүүст зориулсан шууд утасны шугамыг нээгээд байна.
Тэрбээр Центрпоинтод байрлах энэ төвд ирж, шууд утасны анхны дуудлагыг хүлээн авч, зөвлөгөө мэдээлэл өгсөн байна. Мөн тэрбээр шууд утас ажиллуулах багийнхан, сайн дурынхантай уулзаж ярилцсан байна. Шинэ шууд утасны шугам нь 16-25 насны залуус болон орон гэргүй хүмүүст туслах анхны үнэ төлбөргүй шугам юм байна. Энэ хооронд олон улсын хэвлэл мэдээллийн хэрэгслүүдээр ханхүү Уильям гэргий Кейтийнхээ хамтаар ирэх гуравдугаар сард Францад айлчлахаар төлөвлөж байна гэсэн мэдээлэл тархаад байна.
Уильямийн ээж Диана гүнж Парист авто машины ослоор амиа алдсанаас хойш 20 жил өнгөрч байгаа юм. Энэ хугацаанд Уильям нэг ч удаа Францад очиж байгаагүй юм. Харин ирэх сарын 17-18-ны өдрүүдэд гэргийнхээ хамтаар Францад айлчлахаар болсон байна.
Британийн хатан хааны гэр бүлийн гишүүд Парис дахь Элчин сайдын яамандаа оройн зоог барьж, Франц, Уэльсийн регбигийн багий тэмцээнийг үзэж сонирхоно гэсэн хөтөлбөр урьдчилсан байдлаар гараад буй юм байна.
| Ханхүү Уильямын санаачилгаар хүмүүнлэгийн тусламжийн утас нээлээ | ||
| Үзсэн: 745 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.