АНУ Өмнөд Солонгосын нутаг дэвсгэрт пуужингаас эсэргүүцэн хамгаалах "ТХААД" системээ байршуулж эхэлсэн байна. Энэ тухай Өмнөд Солонгосын  "Ренхап" агентлаг мэдээлсэн юм.

Тус агентлагийн дамжуулж байгаагаар "ТХААД" системийн хэсгүүдийг өнөөдрөөс Өмнөд Солонгосын Осан дахь цэргийн баазад стратегийн цэргийн тээврийн онгоц болох  С-17-оор хүргэсэн байна. Өмнөд Солонгосын батлан хамгаалах яам энэ мэдээллийг баталсан бөгөөд "ТХААД" системийг Сонжу  гацаан дахь  Лотте группын гольфийн талбай байсан газарт байрлуулахаар товлоод буй юм байна. 

Пуужингаас эсэргүүцэн хамгаалах энэ төхөөрөмжийг байршуулах  ажил 1-2 сарын дараа дуусах юм байна. Пууужингаас эсэргүүцэн хамгаалах Америкийн "ТХААД" системийг энэ оны  6-7-р сард  байршуулж  эхэлнэ гэдэг мэдээлэл өмнө нь ирж байсан юм.  Гэвч Умард Солонгосын пуужингууд  туршилтууд идэвхжсэнтэй холбоотойгоор Вашингтон, Сөүл энэ  ажиллагаа хурдавчлахаар шийдвэрлэсэн нь өнөөдрийн мэдээллээр батлагдаж байна.

Өмнөд Солонгост "ТХААД" систем байрлуулах тохиролцоонд өнгөрсөн онд хүрсэн юм. Өмнөд Солонгосын батлан хамгаалах яамны мэдээгээр "ТХААД"  системийн үйлчлэх цар хүрээ 200 км-ийн радиусаас ихгүй байх юм байна. Гэсэн нь Умард Солонгосоос гадна ОХУ, Хятад улс Өмнөдийн нутаг дэвсгэрт  Америкчууд пуужингаас эсэргүүцэн хамгаалах систем байршуулж байгааг эрс эсэргүүцэж буйгаа илэрхийлсээр байгаа юм.