NАSА-гийн инженерийн багийн эрдэмтэд Ангараг гарагийн ямар ч гадаргуу дээрх саадыг төвөггүй давах чадвартай роботыг зохион бүтээсэн байна. "Puffer" нэртэй тус робот хавтгай, босоо, налуу, эгц гээд ямар ч гадаргууг туулах чадвартай гэнэ. Одоогоор энэ роботын жижиг загварыг гарган туршилт амжилттай болсон ч удахгүй томруулсан загварыг гаргана гэж  NАSА онцолж байсан юм. Зохион бүтээгчид энэ роботыг хийхдээ оригами тоглоомын зарчим дээр тулгуурлаж цаасан материалаар хийсэн байна.

"Puffer" роботын хамгийн гол хөдөлгөөний болон үйлдлийг гүйцэтгэх чадвар нь 2 дугуйтай хийгдсэнээрээ онцлог. Ингэснээр аливаа саад бартааг хурдан, аюулгүй давж гарахад ач холбогдолтой юм. Хэрэв ямар нэг гэнэтийн осол эсвэл өндөр дээрээс унах тохиолдолд нэг ч эвдрэлгүй унахаар хамгаалагдан бүтээгджээ. NАSА-гийн эрдэмтэд Ангараг гарагийг судлуулахаар зориулж тус роботыг бүтээсэн нь бусад роботуудын чадвараас илүү үйлдлийг аюулгүй хийж чадах боломжтой  гэж онцолсон юм.