Үндэсний телевиз
Цагийн хүрд
Найм арваннэг
ЗХУ-ын гавьяат дасгалжуулагч, Якутын нэрт дасгалжуулагч Дмитрий Коркиний нэрэмжит чөлөөт бөхийн эрэгтэйчүүдийн олон улсын тэмцээн өнөөдөр Якутад эхэллээ.
Эхний өдөр 57, 65, 74, 86, 97 кг-ын жингийн урьдчилсан барилдаан болж, 65 кг-ын жинд “Арслан” клубийн тамирчин ОУХМ Төмөр-Очирын Тулга, 97 кг-д “Аврагч” спорт хорооны тамирчин ОУХМ Өлзийсайханы Батзул нар хагас шигшээд шалгарлаа.
Т.Тулга Красноярскийн Николай Донзаленко, ДАШТ-ий хүрэл медальт Казахстаны Даулет Ниязбеков, “Рио-2016” олимпийн наадмын мөнгөн медальт Японы Рей Хигүчиг ялж хагас шигшээд Буриадын Баяр Цыреновтой, Ө.Батзул Красноярскийн Юрий Белоновский, Македоны Магомедгажи Нуровыг ялж хагас шигшээд Красноярскийн Эрик Жиоевтой тус тус хүч үзнэ.
74 кг-д гавьяат тамирчин Г.Мандахнаран 1/8 шигшээд эзэн орны Герман Устиновт, 86 кг-д ОУХМ О.Үйтүмэн шөвгийн наймд Ираны Акбар Базригалехт ялагдсан. Тэдний өрсөлдөгчид шигшээд шалгарвал манай бөхчүүдэд дагах барилдаан гарах юм. Хагас шигшээ барилдаан манай цагаар 17:00 цагт болно.
| Т.Тулга, Ө.Батзул нар хагас шигшээд шалгарлаа | ||
| Үзсэн: 766 | Mongolian National Broadcaster |
М.Золзаяа
Шог зураач Л.Мөнхбат
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.