Үндэсний телевиз
Цагийн хүрд
Найм арваннэг
Мэргэжлийн сүмо бөхийн Хацү башё өндөрлөхөд зургаан өдрийн барилдаан үлдлээ. Өчигдөр болсон ес дэх өдрийн барилдаанд их аварга Хакүхо М.Даваажаргал Котошогикүг давж, даваагаа ахиуллаа.
Мөн Тамавашин Б.Мөнх-Оргил озэки /арслан/ Такаясүгээр долоо дахь даваагаа авсан бол Ичиножёо А.Ичинноров Миёогирюүд дийлдлээ. Дээд зиндаанд барилдаж буй бөхчүүдээс хамгийн хүнд жинтэй нь болох А.Ичинноров эхний өдрүүдэд өндөр цолтой бөхчүүдтэй барилдаж, аварга Какүрюү М.Ананд, Кисэносато болон озэки Такаясү, Гоэйдо нарыг давсан билээ. Тэрбээр сүүлийн дөрвөн барилдааны гуравт нь ялагдаад байна.
Хацү башёг их аварга Хакүхо М.Даваажаргал ганцаараа есөн даваатай тэргүүлж байгаа бол Чёонокүни найман даваа, нэг унаатай тэргүүлэгчийн хоёрдугаар эгнээнд бичигдэж эхэллээ. Тамаваши Б.Мөнх-Оргил тэргүүтэй дөрвөн бөх долоон даваа, хоёр унаатай удаалж байгаа бол Ичиножёо А.Ичинноров таван даваа, дөрвөн унаатайгаар башёг үргэлжлүүлж байна.
Хацү башёг их аварга Кисэносато, Какүрюү М.Ананд нар орхисон билээ.
| М.Даваажаргал ганцаараа башёг тэргүүлж байна | ||
| Үзсэн: 1224 | Mongolian National Broadcaster |
М.Золзаяа
Шог зураач Л.Мөнхбат
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.