Ардчилсан намын өдөрт зориулсан Улс, аймгийн алдар цолтой 256 бөхийн барилдаан өчигдөр/2019.04.07/ Бөхийн өргөөнд боллоо.

Барилдаанд Монгол Улсын аварга Н.Батсуурь, улсын арслан Э.Оюунболд, улсын заан М.Өсөхбаяр, Б.Соронзонболд, улсын харцага Н.Батзаяа, Б.Бат-Өлзий, Х.Гантулга, М.Бадарч, О.Хангай тэргүүтэй бөх хүчийг үзэн барилдав.

Барилдаанд улсын харцага Б.Бат-Өлзий найм даван түрүүлж, улсын арслан Э.Оюунболд үзүүрлэв. Улсын заан М.Өсөхбаяр, улсын заан, олимпийн аварга, хөдөлмөрийн баатар, гавьяат тамирчин Н.Түвшинбаяр нар зургаа даван шөвгийн дөрөвт үлдсэн юм.

Барилдааны үеэр Үндэсний бөхийн холбоо, “Жудаг” групп хамтран “Уран гараа дэвээтэй бөх” шагналыг улсын заан М.Өсөхбаярт, Ардчилсан намын нэрэмжит “Өсөх ирээдүйтэй бөх” шагналыг Дорноговь аймгийн арслан М.Бямбадоржид гардуулав. М.Бямбадоржийн хувьд түрүү бөхийн тааварт нэрлэгдэж байсан улсын харцага О.Хангайг давж, шуугиан тарьсан юм.

Аймгийн арслан цолтнуудаас Н.Мустафа ганцаараа шөвгийн наймд үлдсэн бөгөөд тэрбээр тавын даваанд улсын аварга Н.Батсуурийг давсан. Барилдааны дөрвийн даваанд аймгийн арслан М.Бямбадорж улсын харцага О.Хангайг, аймгийн арслан Б.Түмэндэмбэрэл улсын харцага Ш.Мөнгөнбаатарыг тус тус давж, өсөх ирээдүй бөх гэдгээ харуулаад авлаа.

ДҮЙЦ:

Тавын даваа:

Улсын аварга Н.Батсуурь /Увс/ – Аймгийн арслан Н.Мустафа /Баян-Өлгий/

Улсын арслан Э.Оюунболд /Хэнтий/ – Аймгийн арслан М.Бямбадорж /Дорноговь/

Улсын заан М.Өсөхбаяр /Булган/ – Улсын начин Д.Анар /Дорнод/

Улсын заан Н.Түвшинбаяр /Булган/ – Улсын начин Б.Даваа-Очир /хөвсгөл/

Улсын харцага Б.Бат-Өлзий /Ховд/ – аймгийн арслан Б.Түмэндэмбэрэл /Булган/

Улсын харцага Т.Бэгзсүрэн /Завхан/ – Улсын начин Б.Бат-Эрдэнэ /Булган/

Улсын начин Э.Энхбат /Булган/ – Улсын начин Б.Батжаргал /Сүхбаатар/

Улсын начин Б.Амарзаяа /Архангай/ – Улсын начин Д.Амарсайхан /Булган/

Зургаагийн даваа:

Улсын арслан Э.Оюунболд /Хэнтий/ – Аймгийн арслан Н.Мустафа /Баян-Өлгий/

Улсын заан М.Өсөхбаяр /Булган/ – Улсын начин Б.Батжаргал /Сүхбаатар/

Улсын заан Н.Түвшинбаяр /Булган/ – Улсын харцага Т.Бэгзсүрэн /Завхан/

Улсын харцага Б.Бат-Өлзий /Ховд/ – Улсын начин Б.Амарзаяа /Архангай/

Долоогийн даваа:

Улсын арслан Э.Оюунболд /Хэнтий/ – Улсын заан М.Өсөхбаяр /Булган/

Улсын заан Н.Түвшинбаяр /Булган/ – Улсын харцага Б.Бат-Өлзий /Ховд/

Наймын даваа:

Улсын арслан Э.Оюунболд /Хэнтий/ – Улсын харцага Б.Бат-Өлзий /Ховд/

---

	Монгол Улсын харцага Б.Бат-Өлзий түрүүлэв
Үзсэн: 1063	Mongolian National Broadcaster