Үндэсний телевиз
Цагийн хүрд
Найм арваннэг
Өнөөдөр БНАСАУ–ын парламентын чуулганы 2 дахь хуралдаан эхэлж байна. Дэлхийн хамгийн хаалттай энэ улсын парламентын чуулганаар Солонгосын хойгийг цөмийн зэвсэггүй бүс болгоход чиглэгдсэн асуудлаар АНУ-тай хийж байгаа яриа хэлэлцээнд ямар байр суурь бодлого чиглэл баримтлахаа зарлах болов уу гэж олон улс хүлээж байна.
Умард Солонгосын ардын их хурлын чуулган өнгөрсөн 4-р сард болсон. Харин 2014 оноос хойш анх удаагаа чуулганы 2 дахь хуралдааныг нэг жилд зохион байгуулж байгаа нь энэ юм байна. Чуулганы өмнөх хуралдааны үеэр Умард Солонгосын удирдагч Ким Жон Ун тус улс цөмийн зэвсгээсээ бүрэн ангижирсан тохиолдолд л АНУ хориг арга хэмжээгээ цуцлан гэсэн нэг талын байр суурь баримталж байгааг мэдэгдэж байсан юм.
БНАСАУ, АНУ-ын удирдагчдын 3 дахь дээд уулзалт өнгөрсөн 6-р сард болсон. Гэвч түүнээс хойш АНУ-тай яриа хэлэлцээ хийх Умардын хүсэл сонирхол эрс буурчихаад байгааг сүүлийн хэд хэдэн туршилт баталж байна гэж мэргэжилтнүүд тодорхойлох болсон.
| БНАСАУ-ын парламентын чуулганы хуралдаан өнөөдөр эхэлж байна | ||
| Үзсэн: 555 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.