УИХ-аар хэлэлцэж байгаа Үндсэн хуульд оруулах нэмэлт, өөрчлөлтийн төсөлд Ерөнхий сайд танхимын гишүүдээ өөрөө томилж, чөлөөлж, огцруулдаг байх эрх мэдлийг нь оруулж өгсөн. Гэтэл Монгол Ардын Намын зарим гишүүн УИХ олон эрх мэдлээсээ татгалзаж байгаа учраас энэ заалтыг дэмжихгүй. Өөрөөр хэлбэл Засгийн газрын гишүүн нэг бүрийг чуулганаар хэлэлцэж, санал хурааж томилох ёстой гэсэн байр сууриа илэрхийлж Баасан гарагийн чуулганы хуралдаанаар унагаагаад байсан юм. Тэгвэл бүлэг энэ асуудлыг дахин хэлэлцээд Ерөнхий сайдад танхимын гишүүдээ томилж, чөлөөж, огцруулах эрх мэдлийг олгох нь зүйтэй гэж үзсэн байна.