Үндэсний телевиз
Цагийн хүрд
Найм арваннэг
Сэлэнгэ аймгийн Ерөө суманд аав хүү хоёр баавгайд бариулсан харамсалтай хэрэг гарсан. Энэ оны байдлаар зургаан аймгийн есөн суманд нийтдээ 8 удаагийн тохиолдлоор 13 хүрэн баавгай суурьшлын бүс рүү орж иргэдийг айлгах, ойртсон тээврийн хэрэгсэл рүү дайрах, зөгийн аж ахуйг эвдэх, малыг олноор нь ой руу туух, гэрийн тэжээмэл амьтдыг идсэн зэрэг гомдлууд бүртгэгдсэн байна.
Тиймээс зэрлэг амьтан суурьшлын бүс рүү орж ирж, шувууд олноороо үхэж байгаа тохиолдол нэмэгдсэн учраас энэ асуудалтай холбогдуулан БОАЖЯ-ны ажлын хэсэг хуралдлаа. Ажлын хэсэг төв суурин газар болон амьтны тархац нутагтай ойр амьдарч байгаа иргэдийн аюулгүй байдал, өмч хөрөнгийн бүрэн бүтэн байдлыг хангах асуудлыг хэлэлцсэн юм. Манай улсын хувьд хүрэн баавгай нь ховор ангилалд багтдаг учраас шууд агнах арга хэмжээ авахаас илүү мэргэжлийн байгууллагуудын тусламжтай унтуулж, байгальд нь буцаан тавих арга хэмжээг авах нь зүйтэй гэж ажлын хэсэг үзжээ.
| Энэ онд хүрэн баавгай суурьшлын бүсэд орж ирсэн 13 тохиолдол гарчээ | ||
| Үзсэн: 1675 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.