Үндэсний телевиз
Цагийн хүрд
Найм арваннэг
Дэлхийн тэргүүлэх автомашин үйлдвэрлэгчид Токио Мотор шоуны үеэр хамгийн сүүлийн үеийн загварын төмөр хүлгүүдээ олон нийтэд сонирхуулахаар бэлтгэж байна. Пүрэв гарагт эхлэх энэхүү арга хэмжээ автомашины салбарын ирээдүйг тодорхойлоход чухал нөлөөтэй гэж үздэг юм. Хоёр жилд нэг удаа зохион байгуулагддаг Токио Мотор шоуны 2019 оны үйл ажиллагаанд Япон төдийгүй дэлхийн бусад улс орнуудаас нийт 180 гаруй автомашин үйлдвэрлэгч болон бусад компани оролцохоор бүртгүүлжээ.
Хонда компани л гэхэд ирэх жил худалдаанд гаргахаар төлөвлөж байгаа цахилгаан машинаа танилцуулна. Ниссан компани автоматаар зогсоолдоо зогсох чадвартай цахилгаан автомашинаа танилцуулах юм. Энэ үйл ажиллагааны үеэр Панасоник хамгийн сүүлийн загварын автомат жолоодлоготой машиныг танилцуулах юм. Токио Мотор шоу 11-р сарын 4-ныг хүртэл үргэлжилнэ.
| Токио Мотор шоуны үеэр хамгийн сүүлийн үеийн автомашинуудыг танилцуулна | ||
| Үзсэн: 844 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.