Чилийн Конгресс тус улсын үндсэн хуулинд өөрчлөлт оруулах асуудлаар санал нэгдээд байна. Энэ нь 20 гаруй иргэдийн аминд хүрээд байгаа эсэргүүцлийн хөдөлгөөн, тэмцлийг зогсоох нэг арга зам гэж үзэж байгаа юм. Чилийн сенатын дарга Сантьяго хотод баасан гарагийн өглөө болсон хэвлэлийн хурлын үеэр ийм мэдэгдэл хийжээ. Тэрээр шинэ үндсэн хууль 100 ардчилсан, жинхэнэ нийгмийн гэрээ болж чадна гэдгийг онцолсон байна. 

Чилийн өнөөгийн үндсэн хууль 1980 оны үед батлагдаж байжээ. Үүнээс гадна тус улсын ерөнхийлөгч Себастьян Пинера иргэдийн шаардлагыг биелүүлэхийн тулд нийгмийн төдийгүй эдийн засгийн өөрчлөн шинэчлэлтийг явуулна гэдгээ илэрхийлээд байгаа. Үүн дотор тэтгэвэр, тэтгэмжийг нэмэгдүүлэх,  эрүүл мэндийн даатгалын үйлчилгээг сайжруулах, эм тарианы үнийг бууруулах болон  цахилгааны үнийг тогтворжуулах зэрэг өөрчлөлт багтаж байгаа юм.  

Чилийн нийт ажилчдын гурав хувь албан бус эсвэл түр ажил эрхэлдэг гэсэн судалгаа байдаг. Мөн 18 сая хүнтэй тус улсын хоёр иргэн тутмын нэг нь бичиг үсгийн чадвар тааруу гэсэн мэдээлэл гарчээ.

Сантьяго хотод галт тэрэгний тасалбарын үнийн өсөлтийг эсэргүүцсэн оюутан залуусын жагсаал нийгмийг хамарсан эсэргүүцлийн хөдөлгөөн болон хувирсан юм.