Өнгөрсөн сард Япон улсыг Хагибис гэж нэрлэгдсэн хүчтэй хар салхи дайрч,  олон мянган хүн эд хөрөнгөөрөө хохирсон. Тэгвэл тус улсын шинэ эзэн хаан хатны хамтаар хар салхинд өртсөн бүс нутгуудад очихоор төлөвлөөд байна.

Японы эзэн хааны ордноос Хаан Нарухито, хатан хаан Масако нарын удахгүй эхлүүлэх аяллын бэлтгэл ажлыг эхлүүлээд байгааг мэдээлжээ. Тэд Хагибис хар салхины үеэр хамгийн их хохирол амссан Японы зүүн хойд зүгийн бүс нутгаар зочилж, ард иргэдтэй уулзан, нөхцөл байдалтай танилцах юм. Эзэн хааны ордноос Японы сүр жавхлан хаан Нарухито  хатны хамтаар 12 дугаар сарын сүүлээр хоёр ч мужид зочлох товыг гаргаад байгаа аж. 

Хагибис хар салхинд амиа алдсан иргэдийн ар гэрийнхэнд хаан болон  хатан зүгээс удаа дараа эмгэнэл илэрхийлж байсан бол энэ удаад биечлэн очихоор болжээ. Өнгөрсөн 11 дүгээр сарын 9 -нд болсон үйл ажиллагааны үеэр хаан Нарухито  хар салхинд өртсөн бүс нутгийн иргэдийн аж амьдрал удахгүй  хэвийн байдалд орно гэдэгт илтгэлтэй байгааг илэрхийлж байсан юм. Нарухито Японы эзэн хааны ширээнд албан ёсоор сууснаас хойш анх удаагаа  ард иргэдтэйгээ нүүр тулан уулзах гэж байгаа нь энэ юм. Өнгөрсөн сард болсон хар салхины улмаас Японы Мияаги болон Фүкүшима зэрэг мужуудад 100 гаруй хүн амиа алдсан юм. Цагдаагийнхан одоог хүртэл сураггүй байгаа иргэдийг хайх ажиллагааг үргэлжлүүлсээр байна.