“Лондон-2012”, “Рио-2016” олимпын наадмын аварга, дэлхийн 10 удаагийн аварга, Францын домогт жүдоч Тедди Риньегийн олимп, дэлхий, тив, “Мастерс”, “Их дуулга”, Гранпри тэмцээнд ялалтын цуврал 154-т хүрээд зогслоо.

Өдгөө 31 настай тэрбээр 2010 онд Токиод болсон ДАШТ-ий үнэмлэхүй жингийн шигшээ барилдаанд Японы Даики Камикавад ялагдаж байсан.

Үүнээс хойш 10 жил хүнд жинд "ноёрхсон" Ринье өнөөдөр нутагт нь болж буй “Их дуулга”-ын 1/8 шигшээд Японы Кокоро Кагэүрад нэмэлт цагт вазаригаар ялагдлаа.

Түүнчлэн “Тедди Баавгай” 12 жилийн дараа медальгүй хоцорч байна. 2008 онд Хамбургийн Дэлхийн супер цомд хүрэл медалийн төлөөх барилдаанд Бельгийн Грим Вуйстерсэд ялагдаж байжээ.