Үндэсний телевиз
Цагийн хүрд
Найм арваннэг
Монголын самбо бөхийн холбооны ерөнхийлөгч Д.Гэрэл, Монголын самбо бөхийн холбооны ерөнхий нарийн бичгийн дарга Б.Ариун-Эрдэнэ нар ОХУ-ын Москва хотод оршин суудаг ахмад буурал, хурандаа генерал С.Лувсангомбо гуайн гэрт зочилж, хүндэтгэл үзүүлжээ.
Хуучнаар сайд нарын зөвлөлийн орлогч дарга, улс төрийн товчооны гишүүн, НАХЯ-ны сайдаар ажиллаж байсан С.Лувсангомбо гуай өдгөө 96 насыг зооглож байгаа бөгөөд Монгол улсын түүхэнд хурандаа генерал цолыг хүртсэн есөн эрхмийн нэг юм.
Мөн Беларусь Улсад зохиогдсон самбо бөхийн ерөнхийлөгчийн тэмцээнийг үзэж, баг тамирчдаа дэмжсэн Монголын самбо бөхийн холбооны ерөнхийлөгч Д.Гэрэл, Монголын самбо бөхийн холбооны ерөнхий нарийн бичгийн дарга Б.Ариун-Эрдэнэ нар дэлхийд тэргүүлэгч уул уурхайн автомашин үйлдвэрлэгч "Белаз" компаниар зочилж, дэлхийн дээрх хамгийн том уул уурхайн трак гэгддэг Белаз 75710 маркийн машиныг үзэж сонирхсон байна.
Дашрамд сонирхуулахад "Белаз" компанийн Монгол дахь албан ёсны дистрибьютор "Юнайтэд Белаз Машинери" ХХК, Монголын самбо бөхийн холбоотой хамтран ажилладаг билээ.
| Монголын самбо бөхийн холбооны тэргүүлэгчид С.Лувсангомбо гуайд хүндэтгэл үзүүлжээ | ||
| Үзсэн: 2518 | Mongolian National Broadcaster |
М.Золзаяа
Шог зураач Л.Мөнхбат
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.