Үндэсний телевиз
Цагийн хүрд
Найм арваннэг
Японы чөлөөт бөхийн холбоо эрэгтэйчүүдийн 74, эмэгтэйчүүдийн 68 кг-ын жинд олимпод оролцох тамирчдаа сонгожээ.
74 кг-ын жинд өнгөрсөн жилийн Нур-Султаны ДАШТ-д тавдугаар байрын эзэлж олимпын эрхийг авчирсан Мао Окүи, 2018 оны дэлхийн аварга Такүто Отогүрогийн төрсөн ах, энэ жилийн Бүх Японы аварга Кейсүке Отогүро нар халз барилдсан.
Тус барилдаанд Отогүро өрсөлдөгчөө 5:2-оор давамгайлж, эх оронд нь болох олимпын наадамд дүүтэйгээ хамт оролцохоор болов.
Наран улсыг төлөөлж, эгч дүү Рисако, Юкако Кавай нар олимпод хамтдаа хүч үзэхээр болсон билээ.
Эмэгтэйчүүдийн 68 кг-ын халз барилдаанд “Рио-2016” олимпын наадмын аварга Сара Дошо залуучуудын дэлхийн аварга Мива Морикаваг 3:1-ээр ялж нутагтаа аваргаа хамгаалахаар болоод байна.
Халз барилдаан коронавирусын улмаас үзэгчгүй явагдсан аж.
| Ах дүү Отогүро олимпод хамтдаа | ||
| Үзсэн: 2080 | Mongolian National Broadcaster |
М.Золзаяа
Шог зураач Л.Мөнхбат
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.