Сар  гаруйхны  өмнө хүчтэй  дэлбэрэлт болж  байсан Ливаны  Бейрут  боомт хотод өчигдөр дахин гал гарчээ. Боомтын гаалийн чөлөөт бүс дэх агуулахад гарсан галыг унтраахад Ливаны армийн нисдэг тэрэгнүүдийг ашигласан байна. 

Гал сөнөөгчид хэдэн  цаг тэмцсэний  дүнг  хяналтдаа оруулж  авсч, боомтын ойролцоох  бүх зам тэр дундаа  Бейрутээс  хойд чиглэлийн төв замыг  цагдаа нар хаажээ. Одоогоор гарсан галын шалтгааныг мэргэжилтнүүд тогтоохоор ажиллаж байна.

Галд  өртөж  гэмтэж түлэгдсэн хүн гараагүй байна. Ливаны Ерөнхийлөгч энэ хэрэг явдалтай холбоотойгоор аюулгүй байдлын дээд  зөвлөлийн  хуралдааныг зарлаад  байна. Бейрутэд  өнгөрсөн 8 дугаар сарын 4-ний  өдөр   хүчтэй гал гарч  дэлбэрэлт болсны уршгаар  190  хүн амь насаа алдаж 6500  хүн гэмтэж  бэртсэн  юм.  Мөн  дэлбэрэлтийн уршгаар 300 мянган хүн орох оронгүй болсон юм.